Fortzi una dì si no app’essi fuendi
sémpiri arreu, m’as a biri in corruttu
pròbiu sa losa tua, fradi, tzunchiendi
su mellus frori ’e is annus tuus arruttu.
*
Mamma de assola is dis suus allonghiendu
fuedha ’e mei cun tui mortu in murmuttu,
ma deu scréttidu a bosu is manus tendu
e scetti ’e attesu a domu mia deu muttu.
*
S’ustinu contra intendu e iss’axìu
chi pelea a sa vida tua t’est stéttiu
e pregu eu pàsiu cun tui mi siat spratziu.
*
Custu m’abarra’ ’e su chi mi fia créttiu.
Gentis stràngias, nessi is ossus torrai
tandu a su pettus tristu de mammai.
*
(furriada in Castedhu, su tres de mese ‘e idas 2011)
Maurizio Virdis
